العلاج النهائي لاحماض والتهاب المعده دون ادويه

السلام عليكم ورحمة الله وبركاته

تقريبا منذ عشره ايام وانا اعاني من آلام قويه وغريبه في معدتي .. جميع انواع المغص

وهالمغص كل يوم تتنقل في جزء من اجزاء جسمي

مره في المعده ومره في القفص الصدري ومره
في الامعاء ومره في الخواصر ما بقى مكان ما راحت له هذا غير الغثيان
ودوران الراس والسهال والامساك

فأخذت موعد عند طبيب خاص بالامراض
الباطنيه وبعد ما كشف على ما عرف لحالتي وطلب مني اسوي بعض التحاليل منها
الاشعه الصوتيه وتحليل البول ( الله يعزكم ) والدم

طبعا انا اول ما بدأت بالاشعة الصوتيه وقالت لي الدكتوره شوي الشاشه هذي كلها غازات واحماض في المعده

وعطتني مجموعة ادويه ومنعتني من اكلات كثيره

المهم وانا راجعة البيت دق على خالي من الرياض يسأل عن حالتي

فقال لي تركي عنك كل هذي الادويه ولا تأذين معدتك فيها

كل اللي عليك انك تاكلين فقط نوعين من الاكل وهما

الخيار والعنب الاخضر الحلو اللي بدون حبوب داخل

طبعا الخيار اكله بدون ما اقطعه

بس اغسله واكله

والعنب اكل تقريبا اكثر من 30 حبه

اكل النوعين مع بعض

فأستمريت على اكلهم 3 ايام

اقوم الصبح اكل عنب وخيار

وبين العصر بعد وقبل ما انام اكل

والحمدلله ورب يشهد على ما اقوله ان من اليوم الرابع كأني كذابه

كل الالام اللي احس فيها والاوجاع راحت

والحين من يومين موقفه عن اكل العنب والخيار والحمدلله ما احس بأي احماض او غازات

وطبعا مو بس انا اللي استخدمت هالعلاج وتحسنت لا .. حتى اهلي اللي فيهم احماض خبرتهم واستخدموا الخيار والعنب والحمدلله كلهم تحسنو

فيالت من يعاني من احماض المعده يتبع طريقتي

واذا تعرف احد ساعده ووصل له هالمعلومه واكسب اجره

لان آلام الاحماض جدا قويه ومؤذيه

واتمنى الصحه للجميع

______________ التوقيع ______________

my blogger

جزاك الله خير

أخوي أبو عبد العزيز

موضوع تشكر عليه

وفقك الله

السلام عليك ورحمة الله وبركاته
شكراإنها مشاركة رائعة